நண்பர்களே,வாருங்கள்

என்னருமை மேலப்பாளையம் மற்றும் திருநெல்வேலி நண்பர்களே,மற்றும் அதையும் தாண்டி என் உள்ளத்தின் அருகில் அமர்ந்துள்ளோரே....
அனைவருக்கும் வாழ்த்துக்கள்.

அன்பும் அமைதியும் சூழ வாழ்கவென்று வாழ்த்துகிறேன்.

நமக்குள், வல்ல ஏக இறைவன் இணக்கத்தை ஏற்படுத்துவானாகவும்.

நம்மைப் பற்றி..... நம்மைச் சுற்றி நடந்த, மற்றும் நடக்கிற வற்றை பகிர்ந்து கொள்ள இந்த தளத்தை பயன் படுத்தலாம் என நினைக்கிறேன் .
என்றுமே நலமே நினைப்போம்.....
இந்தத் தளத்தில் எழுதுவதன் மூலம் மனதில் உள்ளவற்றை வெளிப்படை ஆக்கலாம் என்று எண்ணுகிறேன்......

நண்பர்கள் தமக்குத் தெரிந்தனவற்றை நமக்குள் பகிர்ந்து கொள்ளலாம்.
அது குடும்பங்கள்,நகரம்,மாவட்டம்,மாநிலம்,நாடு,உலக அளவில் உள்ளதாகக் கூட இருக்கலாம்.
நமது ஊர் நண்பர்கள், குறிப்பாக வெளிநாடுகள் மற்றும் நம் நாட்டிலுள்ள இளைஞர்கள்  நல்ல வாசிப்பாளர்களாகவும்.விமர்சிப்பாளர்களாகவும் .உள்ளார்கள் என்பதை,பல்வேறு வலைப் பதிவுகள்,முகநூல் வாயிலாக   அறிந்து வருகிறேன்.

,அவர்களிடமிருந்து பல்வேறு அரிய தகவல்களைக்  கற்றுக்கொள்ளும் பல்லாயிரம் மாணவர்களில் நானும் ஒருவனாக இருக்கிறேன்.

நமது சிந்தனையாலும்,பேச்சாலும்.எழுத்தாலும் பிறருக்கு நலத்தை ஏற்படுத்துவோம்.வாருங்கள் தோழர்களே!

எண்ணங்களை எழுதுகிறேன்....தவறான செய்திகள் பிழைகள் இருந்தால் சொல்லுங்கள்.....மனமுவந்து திருத்தம் செய்துகொள்கிறேன்.

தனித் தமிழில் எழுதிப் பழகிய என்போன்றவர்கள் கரிசல் இலக்கிய மேதை கி.ராஜ நாராயணன் அவர்கள், தோப்பில்.முகம்மது மீரான்,எங்களால் வாப்பா என்று அழைக்கப்படும் நெல்லைக்கண்ணன்  முதலானவர்களின் எழுத்து நடைகளைப் பார்த்து விட்டு நாமும் நம்மூர் தமிழ் நடையில் எழுதலாம் என்று முடிவு செய்துள்ளேன்.

கட்டுரைகளை என்றாவது புத்தகமாக்கி வெளியிடும் ஆசையும் மனசு நிறைய இருக்கிறது.

 இதுல ஒரு வசதி என்னன்னா.?......வாசிப்பவர்களுக்கு எது புடிக்கும்,புடிக்காது என்பதை அவர்கள் சுட்டிக்காட்டுவதில் இருந்து தெரிந்து கொள்ளலாம்.
பாப்பம்... எனக்கு எழுத எப்படி நேரம் கிடைக்குதுன்னு.